ပုသိမ်မြို့က သာသနာ့ဓမ္မဂုဏ်ရည်ဘုန်းကြီးကျောင်းကို အာဏာပိုင်တွေ ချိပ်ပိတ်

Unicode

ဧရာဝတီတိုင်း၊ ပုသိမ်မြို့၊ အမှတ် ၁၄ ရပ်ကွက်က သာသနာ့ဓမ္မဂုဏ်ရည် ဘုန်းကြီးကျောင်းကို ဒေသန္တရ အာဏာပိုင်တွေနဲ့ တာဝန်ရှိသူတွေ ဇန်နဝါရီ ၈ ရက်မနက်မှာ လာရောက်ချိပ်ပိတ်ခဲ့ပါတယ်။

ဒီဇင်ဘာလ ၂၄ ရက်နေ့က ပြည်မြို့မှာ ဖမ်းမိတဲ့ ရခိုင်ပြည်နယ်က အထောက် အထားမဲ့ဝင်ရောက် လာသူတွေကို လိုက်ပို့ရာမှာ သုံးတဲ့ မော်တော်ယာဉ်ဟာ ဒီကျောင်းတိုက်မှာ သီတင်းသုံးနေတဲ့ ဆရာတော် ဥူးက္ကန္ဒယ ပိုင်ဆိုင်တဲ့ယာဉ်ဖြစ်ပြီး ဒီကိစ္စကြောင့် ဘုန်းကြီးကျောင်းကိုပါ ချိပ်ပိတ်တာ ဖြစ်တယ်လို့ ဆိုပါတယ်။

ချိပ်ပိတ်ခံရတဲ့ ကျောင်းမှာ သတင်းသုံးနေတဲ့ သံဃာတော်တွေနဲ့ သီလရှင်တွေမှာ ခုလို ရုတ်တရတ်ကြုံရတဲ့အခြေအနေအကြောင့် တခြားကျောင်းတိုက်တွေဆီ သွားရောက်သတင်းသုံးဖို့အတွက် လက်ခံမယ့်ကျောင်းတိုက်မရှိသေးတာကြောင့် ကျောင်းရှေ့ မျက်နှာစာ လမ်းဘေးမှာ သီတင်းသုံးခဲ့ကြပါတယ်။

ဒါကြောင့် သံဃာတွေထံ ရပ်ကွက်တာဝန်ရှိသူက လာရောက်ပြီး အဆင်ပြေမယ့်နေရာ ရွှေ့ပြောင်းဖို့ လျှောက်ထားချိန်မှာ လူစုလူဝေးပုံစံဖြစ်ပေါ်ခဲ့ပါတယ်။

နေ့လယ်ပိုင်းမှာ မြို့နယ်အုပ်ချုပ်ရေးမှူး၊ ရဲတပ်ဖွဲ့မှူးနဲ့ တာဝန်ရှိသူတွေ ရောက် လာ ပြီး ချိပ်ပိတ်တဲ့လုပ်ငန်းတွေ လုပ်ဆောင်ခဲ့တာပါ။

အဲဒီနောက် ကျောင်းရဲ့ရှေ့မျက်နှာစာ လမ်းဘေးမှာ သီတင်းသုံးနေတဲ့ သံဃာတော်တွေကို အမျိုးသား ၁ ဦးက လာရောက်ပြီး ရပ်ကွက်ထဲမှာ ဘုန်းကြီးကျောင်း ၈ ကျောင်း ရှိတဲ့အထဲက အဆင်ပြေမယ့် ကျောင်းမှာ သီတင်းသုံးလို့ ရအောင် စီစဉ်ပေးမယ်လို့ လာရောက်လျှောက်ထားခဲ့ပါတယ်။

အခုချိပ်ပိတ်ခံရတဲ့ဘုန်းကြီးကျောင်းဟာ ဒေသခံတွေက စုပေါင်းအလှူငွေနဲ့ တည်ဆောက်ခဲ့တဲ့ ကျောင်းဖြစ်တာကြောင့် ပြစ်မှု ကျူးလွန်တဲ့ ဆရာတော်ကိုသာ အရေးယူတာမျိုးတွေပြုလုပ်စေချင်ပြီး ကျောင်းကိုတော့ ကျန်ရှိနေတဲ့ သံဃာတော်တွေ သီတင်းသုံးလို့ရအောင် ဖွင့်ပေးစေချင်တယ်လို့ ဒေသခံတွေက ပြောပါတယ်။
ခရက်ဒစ် ဘီဘီစီမြန်မာပိုင်း
ဓာတ်ပုံ- Min Htet Mone / MPA

Zawgyi

ဧရာဝတီတိုင္း၊ ပုသိမ္ၿမိဳ႕၊ အမွတ္ ၁၄ ရပ္ကြက္က သာသနာ့ဓမၼဂုဏ္ရည္ ဘုန္းႀကီးေက်ာင္းကို ေဒသႏၲရ အာဏာပိုင္ေတြနဲ႕ တာဝန္ရွိသူေတြ ဇန္နဝါရီ ၈ ရက္မနက္မွာ လာေရာက္ခ်ိပ္ပိတ္ခဲ့ပါတယ္။

ဒီဇင္ဘာလ ၂၄ ရက္ေန႕က ျပည္ၿမိဳ႕မွာ ဖမ္းမိတဲ့ ရခိုင္ျပည္နယ္က အေထာက္ အထားမဲ့ဝင္ေရာက္ လာသူေတြကို လိုက္ပို႔ရာမွာ သုံးတဲ့ ေမာ္ေတာ္ယာဥ္ဟာ ဒီေက်ာင္းတိုက္မွာ သီတင္းသုံးေနတဲ့ ဆရာေတာ္ ၪူးကၠႏၵယ ပိုင္ဆိုင္တဲ့ယာဥ္ျဖစ္ၿပီး ဒီကိစၥေၾကာင့္ ဘုန္းႀကီးေက်ာင္းကိုပါ ခ်ိပ္ပိတ္တာ ျဖစ္တယ္လို႔ ဆိုပါတယ္။

ခ်ိပ္ပိတ္ခံရတဲ့ ေက်ာင္းမွာ သတင္းသုံးေနတဲ့ သံဃာေတာ္ေတြနဲ႕ သီလရွင္ေတြမွာ ခုလို ႐ုတ္တရတ္ႀကဳံရတဲ့အေျခအေနအေၾကာင့္ တျခားေက်ာင္းတိုက္ေတြဆီ သြားေရာက္သတင္းသုံးဖို႔အတြက္ လက္ခံမယ့္ေက်ာင္းတိုက္မရွိေသးတာေၾကာင့္ ေက်ာင္းေရွ႕ မ်က္ႏွာစာ လမ္းေဘးမွာ သီတင္းသုံးခဲ့ၾကပါတယ္။

ဒါေၾကာင့္ သံဃာေတြထံ ရပ္ကြက္တာဝန္ရွိသူက လာေရာက္ၿပီး အဆင္ေျပမယ့္ေနရာ ေ႐ႊ႕ေျပာင္းဖို႔ ေလွ်ာက္ထားခ်ိန္မွာ လူစုလူေဝးပုံစံျဖစ္ေပၚခဲ့ပါတယ္။

ေန႕လယ္ပိုင္းမွာ ၿမိဳ႕နယ္အုပ္ခ်ဳပ္ေရးမႉး၊ ရဲတပ္ဖြဲ႕မႉးနဲ႕ တာဝန္ရွိသူေတြ ေရာက္ လာ ၿပီး ခ်ိပ္ပိတ္တဲ့လုပ္ငန္းေတြ လုပ္ေဆာင္ခဲ့တာပါ။

အဲဒီေနာက္ ေက်ာင္းရဲ႕ေရွ႕မ်က္ႏွာစာ လမ္းေဘးမွာ သီတင္းသုံးေနတဲ့ သံဃာေတာ္ေတြကို အမ်ိဳးသား ၁ ဦးက လာေရာက္ၿပီး ရပ္ကြက္ထဲမွာ ဘုန္းႀကီးေက်ာင္း ၈ ေက်ာင္း ရွိတဲ့အထဲက အဆင္ေျပမယ့္ ေက်ာင္းမွာ သီတင္းသုံးလို႔ ရေအာင္ စီစဥ္ေပးမယ္လို႔ လာေရာက္ေလွ်ာက္ထားခဲ့ပါတယ္။

အခုခ်ိပ္ပိတ္ခံရတဲ့ဘုန္းႀကီးေက်ာင္းဟာ ေဒသခံေတြက စုေပါင္းအလႉေငြနဲ႕ တည္ေဆာက္ခဲ့တဲ့ ေက်ာင္းျဖစ္တာေၾကာင့္ ျပစ္မႈ က်ဴးလြန္တဲ့ ဆရာေတာ္ကိုသာ အေရးယူတာမ်ိဳးေတြျပဳလုပ္ေစခ်င္ၿပီး ေက်ာင္းကိုေတာ့ က်န္ရွိေနတဲ့ သံဃာေတာ္ေတြ သီတင္းသုံးလို႔ရေအာင္ ဖြင့္ေပးေစခ်င္တယ္လို႔ ေဒသခံေတြက ေျပာပါတယ္။
ခရက္ဒစ္ ဘီဘီစီျမန္မာပိုင္း
ဓာတ္ပုံ- Min Htet Mone / MPA